Dano Cerebral Galicia conta con unha estrutura técnica, integrada por profesionais de diferentes disciplinas, que se ocupa de executar as funcións e obxectivos fixados pola Asemblea Xeral e a Xunta Directiva.
Leticia Vila Posada
Graduada en Psicoloxía pola USC, Máster de Profesorado de Educación Secundaria pola USAL e Máster de Menores en Situación de Risco e Desprotección Social pola UVigo.
direccion@danocerebralgalicia.org
Conta cunha traxectoria profesional intimamente ligada ao terceiro sector, á defensa dos dereitos das persoas en situación de risco e exclusión social, á formación, ás novas tecnoloxías e á xestión de proxectos. Desde a súa incorporación a Dano Cerebral Galicia en 2021 exerceu como técnica de formación e responsable de calidade. En agosto de 2024 asumiu a dirección da Federación.
Adolfo M. González Rodríguez
Graduado en Administración e Dirección de Empresas pola USC.
xestioneconomica@danocerebralgalicia.org
Tralo paso polo sector bancario incorporouse ao social, no que se ocupa tanto da planificación e desenvolvemento de proxectos como da xestión económica e financeira, con especial atención á contabilidade social. En 2016 incorporouse a Dano Cerebral Galicia como responsable da área económica e administrativa e desde agosto de 2024 tamén se ocupa dos recursos humanos da Federación.
Carla Miranda Iglesias
Graduada en Traballo Social pola USC con especialización en prevención e sensibilización das violencias sexuais e de xénero pola URJC.
proxectos@danocerebralgalicia.org
Activa dende o 2016 como traballadora social, tralo seu paso por empresas privadas vinculadas á atención de persoas en situación de dependencia, incorporouse a Dano Cerebral Galicia en 2020 a través dos programas de cooperación para o fomento do emprego en entidades sociais da Consellería de Emprego. Desde agosto de 2024 é responsable de proxectos da Federación.
Irene Cancelas Sánchez
Licenciada en Xornalismo pola USC e Diploma de Especialización en Captación de Fondos pola UNED.
comunicacion@danocerebralgalicia.org
Desde 2005 traballa no xornalismo e na comunicación corporativa. Ten experiencia en tarefas de gabinete de prensa, organización de eventos e captación de fondos nos sectores cultural, social e mediático co cooperativismo e o asociacionismo como elemento común. É responsable de comunicación da Federación desde a súa incorporación en 2012 a través dos programas de cooperación da Consellería de Emprego.
Noelia Rivadas López
Graduada en Logopedia pola UDC con formación complementaria en neurorrehabilitación, disfaxia orofarínxea, afasia, parálise facial e sistemas aumentativos e alternativos de comunicación.
formacion@danocerebralgalicia.org
Distinguida co Premio Fin de Carreira e o Premio Excelencia Académica da Xunta de Galicia, así como co Premio Fin de Grao da Universidade da Coruña, traballa dende 2019 no eido da atención temperá e a neurorrehabilitación. Incorporouse á Federación en 2022 como parte do equipo responsable da prestación de servizos sociosanitarios de proximidade e da execución de proxectos de promoción da vida independente. Desde agosto de 2024 é técnica de formación e xestión de calidade.
Natalia Regueiro Cerviño
Técnica Superior en Administración e Finanzas.
xestion@danocerebralgalicia.org
Tras rematar os seus estudos, a súa vida laboral estivo sempre ligada á administración, contando con experiencia nunha xestoría, unha entidade social e un centro de formación. No 2020 incorporouse a Dano Cerebral Galicia a través dos programas de cooperación para o fomento do emprego en entidades sociais da Consellería de Emprego.
Inés Mosquera Costa
Graduada en Terapia Ocupacional e Máster en Políticas Sociais e Intervención Sociocomunitaria con Especialización en Xénero pola UDC.
terapiaocupacional2@danocerebralgalicia.org
A súa traxectoria profesional iníciase en 2018 como terapeuta ocupacional na atención directa a persoas con discapacidade. En 2022 incorporouse á Federación como parte do equipo responsable da prestación de servizos sociosanitarios de proximidade e da execución de proxectos de promoción da vida independente de persoas con dano cerebral.
Tsion Piñeiro Novoa
Graduada en Educación Social e Máster Universitario en Educación, Igualdade e Xénero na Universidade de Santiago de Compostela.
educacionsocial@danocerebralgalicia.org
Comezou a súa traxectoria profesional en 2023, no eido das discapacidades; en concreto, con persoas con TEA, levando a cabo un acompañamento diario e a execución de actividades para o fomento da súa autonomía. Xa tivera contacto co Terceiro Sector a través das prácticas e do voluntariado. Incorporada en decembro de 2024 a través dos programas de cooperación para o fomento do emprego.
María Gosende Blanco
Graduada en Traballo social pola USC con especialización en discapacidade e dependencia pola UDC.
traballosocial@danocerebralgalicia.org
Con anterioridade adicou a súa carreira profesional ao ámbito das persoas maiores en diferentes centros de día. Conta tamén cun curso de especialización en traballo social sanitario no ámbito hospitalario, atención primaria, saúde mental, urxencias e emerxencias. Incorporouse no 2024 a través dos programas de cooperación para o fomento de emprego en entidades sociais da Consellería de Emprego.