A neuropsicóloga da asociación organizou varias sesións informativas para coñecer e apreciar mellor este fenómeno.
A finais de xullo, antes do parón vacacional, a neuropsicóloga de Dano Cerebral Lugo organizou varios obradoiros sobre a eclipse, co obxectivo de preparar a todas as persoas usuarias para gozar deste fenómeno en agosto, coas súas familias e amizades.
Nas sesións formativas sobre astronomía aprendéronse todos os datos sobre a eclipse e a súa observación, cunha dinámica de proba dos coñecementos adquiridos a través dun divertido cuestionario na plataforma Kahoot.
Dano Cerebral Lugo agradece á Fundación ONCE a doazón de gafas de observación solar, que permitiron a todas as persoas usuarias da entidade apreciar a eclipse de xeito seguro.