O noso paraugas trae este ano unha mensaxe de prevención da principal causa do dano cerebral adquirido: o ictus.
Traballar por unha sociedade máis aberta e inclusiva, que comprenda e acepte a súa diversidade, é o obxectivo das ducias de colectivos locais que impulsan a campaña 'Baixo o mesmo paraugas' para conmemorar e tamén celebrar o Día Internacional das Persoas con Discapacidade.
Unha iniciativa nacida na Coruña e estendida a toda Galicia que estes días está a organizar un concurso en Facebook para escoller o mellor paraugas inclusivo. Dano Cerebral Galicia súmase á iniciativa cun paraugas pola prevención do dano cerebral adquirido, para concienciar sobre a principal causa da nosa discapacidade: o ictus.
Ademais, as asociacións de discapacidade que promoven a iniciativa chaman a participar nas seguintes concentracións o vindeiro martes 3 de decembro, Día Internacional das Persoas con Discapacidade:
- A Coruña - O Parrote: 12:00
- Vigo - Porto de Vigo (Praza da Estrela): 11:30
- Pontevedra - Praza da Peregrina: 12:00
- Ourense - Praza Maior: 12:00
- Lugo - Praza Maior: 12:00
- Cee - Praza 8 marzo: 12:00