A asociación de dano cerebral foi convidada polo Proxecto de Aprendizaxe Colaborativa do espazo de maiores da localidade veciña.
O Centro de Día de Begonte leva anos desenvolvendo un Proxecto de Aprendizaxe Colaborativa que ten como obxectivo achegar a súa vida cotiá a outras persoas e compartir a realidade dese espazo. Dano Cerebral Lugo foi un dos colectivos convidados a compartir co centro as súas vivencias, e alí foron no mes de maio.
Un grupo de persoas con dano cerebral adquirido respondeu ao convite de Begonte e visitou o centro para participar nun obradoiro de musicoterapia. A continuación, as persoas usuarias do Centro de Día compartiron coas visitantes cancións populares. Para rematar o día, entregaron a Dano Cerebral Lugo un fermoso agasallo feito a man.
Dano Cerebral Lugo quere expresar o seu agradecemento a todo o persoal do Centro de Día de Begonte, especialmente á terapeuta ocupacional Sonia, e a todas as persoas que participaron no obradoiro, pola cálida acollida que recibiron.