ADACE Lugo realiza no mes de xuño un parón nas actividades de Fenda Dixital e Obradoiro de Memoria.
As actividades instrumentais da vida diaria son aquelas que necesitamos desenvolver para sermos persoas autónomas tanto no fogar como na comunidade. No centro de día terapéutico de DCA Ourense traballan a realización de compras, o manexo do diñeiro e o uso do teléfono mediante esta actividade.
Seguindo a lista da compra, buscan os produtos no folleto do supermercado, anotan o seu prezo e realizan o cálculo do total usando a calculadora do móbil. Para terminar, pagan utilizando as moedas e billetes necesarios e calculan a volta que deben recibir.
ADACE Lugo inicia un descanso
Durante o mes de xuño ADACE Lugo iniciou o parón nalgunhas das actividades, que se retomarán en setembro. En concreto, Fenda Dixital e Obradoiro de Memoria descansan ata o novo curso.
O inicio do descanso estivo marcado por dúas festas de despedida. A primeira foi una visita ás Caldas do Miño na que participaron as persoas que acoden aos dous devanditos obradoiros.
Ademais, para continuar celebrando, o xoves 27 de xuño organizaron un picnic para todas as persoas usuarias e familiares que acoden ás actividades ou ao centro de día de ADACE Lugo.